Hasuwe inyubako Ibitaro by'Akarere bya Muhororo bizimukiramo, harebwe aho zigeze zubakwa

  Ifoto y'itsinda nyuma yo gusura ahari kubakwa inyubako zizakorerwamo n'Ibitaro by'Akarere bya Muhororo

Uyu munsi, itsinda ry'abakozi b'Ibigo bitandukanye bifite aho bihuriye n'umushinga w'iyubakwa ry'Ibitaro by'Akarere bya Muhororo basuye ahari kwagurwa Ikigo nderabuzima cya Rususa kizakoreramo ibi bitaro.

Mbere y’uko basura ahari kubakwa inyubako ziyongera ku zisanzwe zikoreramo Ikigo nderabuzima cya Rususa, bakiriwe n’Ubuyobozi bw’Akarere ka Ngororero baganira kuri uyu mushinga, uwo kubaka Ibitaro Ibitaro by’Akarere bya Muhororo, imiterere y’urwego rw’Ubuvuzi by’umwihariko mu karere ka Ngororero n’uko ibi bikorwaremezo bigiye gushyigikira urwego rw’ubuvuzi.

I Rususa ahari kubakwa inyubako mu mushinga wo kwagura Ikigo nderabuzima cya Rususa wiswe “Renovation works for upgrading Rususa Health Center in Ngororero District”, herekanwe igishusanyo cy'inyubako ziri kubakwa ndetse habaho kuzisura. 

Uretse gusura izi nyubako, habaye ikiganiro n’Abajyanama b’Ubuzima ku bijyanye n’imikorere yabo, serivisi batanga, ibikoresho bifashisha n’imikoranire n’inzego zitandukanye mu kwita ku buzima bw’Abanyarwanda.

Nyuma yo kuzura, inyubako zakoreragamo ikigo nderabuzima cya Rususa zizakoreshwa n’Ibitaro by’Akarere bya Muhororo ubwo aho byakoreraga hazaba hari kubakwa inyubako nshya zijyanye n’igihe.

Biteganyijwe ko umushinga wo kwagura ikigo nderabuzima cya Rusua uzarangira tariki 30 Ukuboza 2026. Iki kigo nderabuzima kizaba ari kimwe mu bigo nderabuzima bibiri byo mu karere ka Ngororero bizaba bifite umuganga (Medicalized Health Center)

Ubuyobozi bw'Akarere bwakiriye itsinda ryasuye ahongerwa inyubako zizakoreramo Ibitaro by'Akarere bya Muhororo

 Herekanwe igishushanyombonera cy'inyubako ubwo zizaba zuzuye

                                                            Ibikorwa byo kubaka bigeze kure

Abajyanama b'Ubuzima basangije itsinda imikorere yabo