Ishami ry’Ubuvuzi bwo kubaga ritanga serivisi zo kubaga n’ubuvuzi bukorerwa umurwayi mbere, mu gihe, na nyuma yo kubagwa. Rifasha mu gusuzuma, kuvura, gukosora no gucunga indwara, ibikomere n’ibindi bibazo by’ubuzima bisaba kubagwa.

Serivisi dutanga zirimo:

1. Isuzuma n’ubujyanama mu buvuzi bwo kubaga
Gusuzuma abarwayi, kumenya indwara zikeneye kubagwa no gufata icyemezo cy’uko umurwayi akeneye kubagwa.

Kwita ku murwayi mbere yo kubagwa
Gutegura umurwayi mbere yo kubagwa binyuze mu isuzuma ry’ubuzima bwe, gukora ibizamini bikenewe, kumuha amakuru ahagije no kugabanya ingaruka zishobora kuvuka.

2. Kubaga
Kubaga kwateganyijwe ndetse n’ukwihutirwa kugamije kuvura indwara, ibikomere, ubumuga n’ibindi bibazo by’ubuzima.

3. Kubaga kwihutirwa
Gutanga ubuvuzi bwihutirwa ku barwayi bafite ibibazo bikomeye cyangwa ibikomere bishobora gushyira ubuzima bwabo mu kaga.

4. Kwita ku murwayi nyuma yo kubagwa
Gukurikirana umurwayi nyuma yo kubagwa, kugabanya ububabare, kwirinda ibibazo bishobora kuvuka no gufasha umurwayi gukira neza.

5. Gusuzuma no kuvura indwara zisaba kubagwa
Gusuzuma no kuvura indwara zisaba kubagwa hifashishijwe isuzuma rya muganga n’ibizamini bitandukanye.

6. Gufatanya n’andi mashami
Gukorana n’Ishami rya Anesiteziya, Laboratwari, Ishami ry’Amashusho yo kwa Muganga (Medical Imaging), amashami yakira abarwayi n’andi mashami kugira ngo umurwayi ahabwe ubuvuzi bwuzuye kandi bufite ireme.

7. Kwigisha no gukurikirana abarwayi
Guha abarwayi n’imiryango yabo amakuru ku buryo kubaga bikorwa, gahunda yo gukira, kwita ku gikomere, ikoreshwa ry’imiti ndetse n’igihe cyo kugaruka kwisuzumisha.

8. Kunoza ubuzima n’imibereho y’abarwayi
Gufasha abarwayi kongera kugira ubuzima bwiza, kunoza imikorere y’umubiri, kugabanya ububabare no kuzamura imibereho myiza muri rusange.